სამედიცინო სერვისები
თმის ცვენის მკურნალობა
თმის ცვენა გავრცელებული პრობლემაა, რომელიც მთელ მსოფლიოში მილიონობით ადამიანს აწუხებს. ეს შეიძლება გამოწვეული იყოს სხვადასხვა ფაქტორებით, მათ შორის: გენეტიკა, ასაკის მატება, ჰორმონალური დისბალანსი, სხვადასხვა დაავადებები. მიზეზის მიუხედავად, თმის ცვენა არის არასასურველი გამოცდილება, რამაც შეიძლება გავლენა მოახდინოს თვითშეფასებასა და ცხოვრების ხარისხზე.
ამ პრობლემის სამკურნალოდ მედიცინაში ცალკე დარგია გამოყოფილი. ტრიქოლოგია დერმატოლოგიის ნაწილია, რომელიც შეისწავლის თმას და მის პრობლემებს: რატომ იწყება თმის ცვენა, როგორ ვუმკურნალოთ მას და ა.შ.
თმის ცვენის გამომწვევი მიზეზები
როგორც უკვე აღვნიშნეთ, თმის ცვენის გამომწვევი მრავალი მიზეზი არსებობს. ის, თუ რამ გამოიწვია თმის ცვენა, მნიშვნელოვან როლს თამაშობს მკურნალობის მეთოდიკის შერჩევისას. თმის ცვენის მიზეზების ძიებისას აუცილებელია, გათვალისწინებული იქნას შემდეგი ფაქტორები:
გენეტიკა - ანდროგენული ალოპეცია, ანუ მამაკაცისა და ქალის სიმელოტე, თმის ცვენის ყველაზე გავრცელებული მიზეზია. ეს არის მემკვიდრეობითი და განსხვავებულად მოქმედებს მამაკაცებსა და ქალებზე.
ჰორმონალური დისბალანსი - ჰორმონალურმა ცვლილებებმა შეიძლება გამოიწვიოს თმის ცვენა. მაგალითად, ქალებს შეიძლება ჰქონდეთ ცვენა მშობიარობის შემდეგ ან მენოპაუზის დროს ესტროგენის დონის ცვლილების გამო.
ჯანმრთელობის მდგომარეობა - ზოგიერთმა დაავადებამ, როგორიცაა ალოპეცია, ფარისებრი ჯირკვლის დარღვევები და წითელი მგლურა, შეიძლება გამოიწვიოს თმის ცვენა.
სტრესი - ჯანმრთელობის სხვა ასპექტებთან ერთად სტრესი მკვეთრად ასუსტებს ჩვენს თმებს. შესაბამისად, ის აუცილებლად გახდება თმის ცვენის მიზეზი, განსაკუთრებით მაშინ, თუ სტრესი ქრონიკულია.
არასრულფასოვანი ძილი - გარდა იმისა, რომ არასრულფასოვანი ძილი მნიშვნელოვნად გვიქვეითებს დღის განმავლობაში ენერგიის დონეს, რაც არ უნდა გასაკვირი იყოს ძილის ნაკლებობამ თმის ცვენაც კი შეიძლება გამოიწვიოს.
კვებითი დეფიციტი - გარკვეული საკვები ნივთიერებების ნაკლებობა, როგორიცაა რკინა, თუთია და D ვიტამინი, შეიძლება იყოს თმის ცვენის გამომწვევი მიზეზი.
ეს არის თმის ცვენის გამომწვევი ძირითადი მიზეზები, გარდა ამისა, კონკრეტულ შემთხვევებში თმის ცვენა შეიძლება გამოიწვიოს ნარკოტიკული საშუალებების გამოყენებამ, არასწორად შერჩეული შამპუნის ხშირმა გამოყენებამ, ასევე კლიმატისა და წლის გამოცვლამაც. თუ შეამჩნიეთ, რომ თმის ცვენის ინტენსივობა ნორმას სცდება აუცილებლად მიმართეთ ტრიქოლოგს დიაგნისტიკისთვის, რათა დროულად მოხდეს გამელოტების პრევენცია.
დიაგნოსტირება საუკეთესო აპარატურით
კლინიკა “კანში” დანერგილია დიაგნოსტიკის ინოვაციური მეთოდები, რომლის საშუალებითაც შესაძლებელია თითოეული ღერის სკანირება. მიღებული მონაცემები სპეციალური პროგრამის საშუალებით იგზავნება ტრიქოლოგიის საერთაშორისო ლაბორატორიაში, სადაც კვლავ ხდება გაანალიზება, რამ გამოიწვია თმის ცვენა.
დიაგნოსტიკის ეს მეთოდი საშუალებას იძლევა დადგინდეს თმის სტრუქტურა, აღირიცხოს და შეფასდეს თმის ცვენის რეალური ციფრი. საბოლოო დასკვნის შემდეგ დგინდება ინდივიდუალური დანიშნულება საერთაშორისო პროფესიონალებისგან. მკურნალობის პროცესზე აპარატურული დაკვირვება საშუალებას იძლევა გაკონტროლდეს პროგრესი, რაც მაქსიმალური ეფექტის მიღებას უწყობს ხელს.
თმის ცვენის მკურნალობის მეთოდები
თმის ცვენის სამკურნალო საშუალებები მრავალფეროვანია და დამოკიდებულია ცვენის ხარისხზე.
მედიკამენტები
როგორც აღვნიშნეთ, ვიტამინებისა და მინერალების დეფიციტი თმის ცვენის გამომწვევი მიზეზია. ამიტომ მკურნალობისას საჭიროა ვიტამინები და მინერალები რომელთა დეფიციტიც გაქვთ, ასევე ჰორმონალური პრეპარატები იმისთვის რომ სისხლში ჰორმონების დონე დარეგულირდეს.
მასტიმულირებელი საშუალებები
პლაზმოთერაპია ძალიან კარგი საშუალებაა თმის ცვენის მკურნალობის პროცესში. ეს პროცედურები სრულად უსაფრთხოა და არ ხასიათდება უკუჩვენებით.
მკურნალობის ეს გზები არის ინვაზიური - წვრილი ნემსის საშუალებით თავის კანში შეჰყავთ საკუთარი სისხლიდან მოპოვებული პლაზმა, გამდიდრებული საჭირო ნივთიერებებით, რომლებიც აჩერებენ ცვენას, აცოცხლებენ თმის მიძინებულ ფოლიკულებს, ახდენენ ახალი ღერების ამოსვლის სტიმულირებას და არსებულის გამსხვილებას, ასევე აჩქარებენ ზრდას. რეკომენდებულია მინიმუმ 4 პროცედურა, თუმცა, როგორც ყოველთვის პროცედურის ჩატარებამდე საჭიროა ექიმთან კონსულტაცია.
თმის გადანერგვა
მაშინ როცა ხდება თმის ცვენის მკურნალობა და შეჩერება, შეთხელებული უბნების შესავსებად კეთდება თმის გადანერგვა, რომელიც არის ქირურგიული პროცედურა. პროცედურა მოიცავს თმის ფოლიკულის მოპოვებას კეფის არედან და მის გადანერგვას გამელოტებულ, გამეჩხერებულ ადგილებში
აქვე უნდა ითქვას, რომ არსებობს რამდენიმე ტიპის თმის გადანერგვის მეთოდიკა, ამიტომ თუ გადანერგვას გადაწყვეტთ საჭიროა ტრიქოლოგთან კონსულტაციის გავლა.
ცხოვრების წესის ცვლილებები
ცხოვრების წესის გარკვეული ცვლილებების შეტანა, როგორიცაა სტრესის შემცირება, ჯანსაღი კვება და რეგულარული ვარჯიში, დაგეხმარებათ თმის ჯანმრთელობის შენარჩუნებასა და გაუმჯობესებაში.
თმის ცვენის მკურნალობა კლინიკა კანში
მულტიფუნქციური კლინიკა კანი, რომელიც ამავდროულად წამყვანი თმის გადანერგვის კლინიკა გახლავთ, თანამშრომლობს ტრიქოლოგიის დარგში მსოფლიოს ცნობილ ლაბორატორიებთან, როგორებიც არიან: შვეიცარიის, გერმანიის, ავსტრიის, საფრანგეთის, ამერიკის შეერთებული შტატების და სხვა ქვეყნების კლინიკები.
საერთაშორისო პარტნიორებთან თანამშრომლობის უპირატესობებია:
- ზუსტი დიაგნოზის დასმა;
- თმის ცვენის ზუსტი შეფასება;
- თმის სტრუქტურის დიაგნოსტიკა;
- მკურნალობის პროცესის კონტროლი;
- მკურნალობის უახლესი სტანდარტები;
- უცხოელი პროფესორების მომსახურება.
პირველად ამიერკავკასიის მასშტაბით, თმის ცვენის ინოვაციური ღეროვანი დიაგნოსტიკა და მკურნალობა: ტრიქოლოგიის საერთაშორისო ლაბორატორიის პროექტი კლინიკა “კანში”.
ბუდობრივი თმის ცვენის მკურნალობა
ბუდობრივი თმის ცვენა, იგივე ბუდობრივი ალოპეცია, აუტოიმუნური დაავადებაა. ამ დროს ორგანიზმს არასწორი იმუნური პასუხი აქვს, თავის თმის ღერს უცხო სხეულად აღიქვამს, ცდილობს ორგანიზმი გადაარჩინოს და თმა მოიშოროს. ბუდობრივი ალოპეცია იწყება ერთი, ან რამდენიმე კერით და იზრდება წრიული მიმართულებით. კერები შემდეგ ერთიანდებიან და შეიძლება გავრცელდეს როგორც მთელ თავზე, ასევე მოიცვას წარბები, წამწამები და ა.შ.
არსებობს სხვადასხვა მაპროვოცირებელი მიზეზი, რისგანაც არის გამოწვეული თმის ბუდობრივი ცვენა. ერთ-ერთი წამყვანია მიზეზია სტრესი, მაგრამ ამასთან ერთად სხვა მრავალი ფაქტორია გასათვალისწინებელი. გენეტიკა მხოლოდ დაახლოებით 20 პროცენტშია მიზეზი. თმის ბუდობრივი ცვენა არ არის გადამდები, ის სჭირთ ჯანმრთელ ადამიანებს და უმეტესად იწყება ბავშვობის ასაკში.
ძალიან მნიშვნელოვანია სწრაფი ჩარევა. როცა იწყება თმის ცვენა, ადეკვატური მკურნალობით მარტივად ეშველება პრობლემას. თუ შენიშნეთ, რომ თმის ცვენა გაგიხშირდათ და უკვე გამელოტებული ადგილიც გამოიკვეთა ეს უკვე ნიშანია, რომ იწყება ბუდობრივი თმის ცვენა. ამ ეტაპზე კი პროფესიონალის ჩართულობა აუცილებელია.
თამამად შეგვიძლია ვთქვათ, კლინიკა “კანში” თმის ცვენის მკურნალობა მოწინავე მეთოდებით მიმდინარეობს და ჩვენი პაციენტები სასურველ შედეგს იღებენ. მკურნალობის ერთ-ერთი გზაა თმის გადანერგვის FUE მეთოდი, აღსანიშნავია, რომ ამ პროცედურის დროს თმის გადანერგვა კანის გაკვეთისა და ნაკერების გარეშე ხდება.
გაითვალისწინეთ, რომ მკურნალობის მეთოდების შერჩევისას აუცილებელია მიმართოთ ექიმ ტრიქოლოგს, ჩაიტაროთ დიაგნოსტიკა და მხოლოდ ამის შემდეგ დაიწყოთ მკურნალობა.
გახსოვდეთ, თვითმკურნალობამ შეიძლება გაამწვავოს დაავადება. ასევე ნუ გაიმეორებთ სხვა ადამიანების დადებით პრაქტიკას, ყველა დაავადება ინდივიდუალურია. ნუ ჩაატარებთ ექსპერიმენტებს სახალხო მედიცინის დახმარებით. მინერალების და ვიტამინების დეფიციტს მხოლოდ გამდიდრებული საკვების მიღებით ვერ შეავსებთ.
მკურნალობა აუცილებელია!
სქესობრივად გადამდები დაავადებების მკურნალობა
სქესობრივად გადამდები დაავადებები, ძირითადად, ვაგინალური, ორალური ან ანალური სქესობრივი კონტაქტით ვრცელდება, თუმცა არის შემთხვევები, როცა ასეთი ინფექციები არასქესობრივი გზითაც გადადის, მაგ.: მშობიარობის დროს დედიდან ჩვილზე, სისხლის გადასხმისას ან საერთო ნემსის გამოყენების შედეგად.
სქესობრივად გადამდები დაავადებები ხშირად უსიმპტომოდ მიმდინარეობს, ამიტომ, მათი დროული დიაგნოსტიკა ეფექტური მკურნალობისთვის გადამწყვეტია.
ვინ არის ვენეროლოგი?
ვენეროლოგია მედიცინის დარგია, რომელიც სქესობრივი გზით გადამდებ დაავადებებს შეისწავლის. ვენეროლოგი კი ექიმია, რომელიც მსგავსი პრობლემების დიაგნოსტირებას, მკურნალობასა და შემდგომ პრევენციას უზრუნველყოფს.
თუ თვლით, რომ თქვენი სიმპტომები სქესობრივად გადამდებ დაავადებებთან არის დაკავშირებული, კონსულტაცია მულტიპროფილური კლინიკა “კანის” ვენეროლოგებთან შეგიძლიათ გაიაროთ.
გავრცელებული სქესობრივად გადამდები დაავადებები:
სიფილისი - დაავადებას ბაქტერია “სპიროქეტე-ტრეპონემა პალიდუმ” იწვევს. პრობლემის დაგვიანებით აღმოჩენის შემთხვევაში მკურნალობის პროცესი რთულდება, რაც პაციენტის ჯანმრთელობის მდგომარეობაზე უარყოფითად აისახება. სიფილისის გართულებულმა ფორმამ შესაძლებელია სიკვდილიც გამოიწვიოს.
გონორეა (ტრიპერი) - გონორეა სქესობრივი გზით გადამდები ინფექციაა, რომელსაც ბაქტერია Neisseria gonorrhoeae იწვევს. დაავადება, ძირითადად, სასქესო და რეპროდუქციულ ორგანოებს აზიანებს, თუმცა შესაძლოა გავლენა ყელზე, სწორ ნაწლავსა და თვალებზეც იქონიოს. სიმპტომები მტკივნეულ შარდვასა და გენიტალურ გამონადენსაც მოიცავს.
დაავადების სიმპტომები ქალებში, ძირითადად, ვაგინალური ქავილი, შარდვისას წვა, საშოდან პათოლოგიურ გამონადენი და ნაწლავის მტკივნეული მოქმედებაა. კაცებში კი დაავადება პენისიდან რძისებრი გამონადენით, სათესლე ჯირკვლების შეშუპებითა და შარდვის დროს წვით ხასიათდება.
ქლამიდიოზი - ინფექცია, რომელსაც ბაქტერია ქლამიდია იწვევს. დაავადება შესაძლოა როგორც კაცებში, ისე ქალებში გამოვლინდეს. ძირითადი სიმპტომებია: წვა შარდვის დროს, ტკივილი სქესობრივი აქტისას, ლორწოვანი გამონადენი სასქესო ორგანოდან, ერექციის დარღვევა, სხეულის ტემპერატურის მატება და ძლიერი საერთო სისუსტე.
ტრიქომონიაზი - დაავადებას მიკროორგანიზმი Trichomonas vaginalis იწვევს. ინფექცია, ძირითადად, უსიმპტომოდ მიმდინარეობს, რის გამოც, პაციენტს მისი იდენტიფიცირება უჭირს. დაავადება უმეტესად ქალებში ვითარდება, თუმცა მისი გავრცელება კაცებშიც შესაძლებელია. ისინი, უმეტესად, ინფექციის ფარული მატარებლები არიან და გადადების რისკს წარმოადგენენ.
გენიტალური ჰერპესი - ერთ-ერთი ყველაზე გავრცელებული სქესობრივი გზით გადამდები დაავადება, რომელიც როგორც ქალებში, ისე კაცებში ჩნდება. ინფექციას ბუშტუკოვანი გამონაყარი ახასიათებს ლორწოვან გარსებსა და კანზე.
განასხვავებენ ჰერპეს ვირუსის I და II ტიპებს. მარტივი ჰერპეს ვირუსის I ტიპი, ძირითადად, ლორწოვან გარსსა და კანს აზიანებს, II კი - სასქესო ორგანოებს.
სქესობრივად გადამდები დაავადებები სხვადასხვა სახის სოკოვან ინფექციებსაც მოიცავს. გართულებები მრავალგვარია, მათ შორის შესაძლებელია გამოვლინდეს სქესობრივი ფუნქციის მოშლის სახით. ნებისმიერი სიმპტომის ან ეჭვის შემთხვევაში აუცილებელია მიმართოთ ექიმ დერმატო-ვენეროლოგს.
სქესობრივად გადამდები დაავადებების მკურნალობა კლინიკა “კანში”
კლინიკა “კანი” სქესობრივად გადამდები დაავადებების გამოსავლენად შარდის ანალიზს იყენებს, რაც უახლეს სადიაგნოსტიკო მეთოდს წარმოადგენს და სრულად გამორიცხავს ტკივილსა და დისკომფორტს.
ჩვენთან პირველადი კონსულტაცია სრულიად უფასოა, ხოლო რაც შეეხება კონფიდენციალურობას, ის დაცულია და მკაცრად კონტროლდება.
პედიატრია
მშობლისთვის შვილების ჯანმრთელობა უპირველესი და უმნიშვნელოვანესია. ამიტომ, აუცილებელია მისთვის საუკეთესო პედიატრი შეარჩიოთ.
რა არის პედიატრია?
პედიატრია მედიცინის დარგია, რომელიც ბავშვის ორგანიზმის ანატომიას, ფიზიოლოგიასა და განვითარებას შეისწავლის. პედიატრი კი ბავშვთა ექიმია, რომელიც ბავშვთა დაავადებების დიაგნოსტიკაზე, მკურნალობასა და შემდგომი პრევენციაზე ზრუნავს.
რას მოიცავს პედიატრის მომსახურება?
დიაგნოსტირება და მკურნალობა - პედიატრის მომსახურება, პირველ რიგში, სხვადასხვა ინფექციებისა და დაზიანებების დიაგნოსტირებას გულისხმობს. პრობლემის გამოვლენის შემდგომ, დგება მკურნალობის გეგმა. ბავშვის სპეციფიკური საჭიროებების გათვალისწინებით, შეიძლება მედიკამენტოზური მკურნალობა დაინიშნოს.
ვიწრო სპეციალისტთან კოორდინირება - იმისთვის, რომ პაციენტის ჯანმრთელობის მდგომარეობა სრულად იყოს შესწავლილი, პედიატრი მას ისეთ სპეციალისტებთან ამისამართებს, როგორებიცაა, მაგალითად, ბავშვთა ოფთალმოლოგი ან დერმატოლოგი. ასევე აქტიური მიმართულებაა ბავშვთა ორთოპედია.
პედიატრი ვიწრო სპეციალისტთან აქტიურ კომუნიკაციაშია და პროცესის სრულ მეთვალყურეობას უზრუნველყოფს.
ვაქცინაცია და პროფილაქტიკა - პედიატრია ვაქცინაციას ინფექციური დაავადებებისგან თავის დასაცავად ერთ-ერთ ყველაზე ეფექტურ მეთოდად მიიჩნევს. სწორედ ამიტომ, მნიშვნელოვანია ბავშვს გეგმური აცრა შესაბამის ასაკში ჩაუტარდეს. პედიატრი ვალდებულია მშობელს ამომწურავი ინფორმაცია მიაწოდოს ვაქცინაციის პროცესისა და მოსალოდნელი შედეგის შესახებ.
ბავშვის განვითარების მონიტორინგი - პედიატრია, უკვე არსებული დაავადებების მკურნალობასთან ერთად, ბავშვის ფიზიკურ, ემოციურ და კოგნიტიურ განვითარებაზე დაკვირვებას მოიცავს. განვითარებაში გარკვეული შეფერხებების არსებობის შემთხვევაში კი პედიატრი შესაბამის სამედიცინო ჩარევებს გეგმავს.
კონსულტაცია მშობლებთან - პედიატრი გასცემს რეკომენდაციებს ბავშვის კვებასთან, ჰიგიენასა და, ზოგადად, ცხოვრების წესთან დაკავშირებით. ამით ის ხელს უწყობს ბავშვის ცხოვრების ხარისხის გაუმჯობესებას.
ქრონიკული დაავადების მართვა - პედიატრია ისეთი დაავადებების მონიტორინგსაც მოიცავს, როგორებიცაა მაგ.: ასთმა, დიაბეტი, ალერგიები და სხვა.
პედიატრი კლინიკა “კანში”
მულტიპროფილურ კლინიკა “კანში” პედიატრის მომსახურებით სარგებლობა ყველა ასაკის ბავშვს შეუძლია. ჩვენი გამოცდილი პედიატრი თამარ კაპანაძე მრავალი წელია ჯანდაცვის სფეროში მოღვაწეობს. პროფესიონალ ექიმებთან ერთად, ,,კანში" ულტრათანამედროვე სამედიცინო აპარატურა დაგხვდებათ. კლინიკა მუდმივად ცდილობს ფეხი აუწყოს ტექნოლოგიურ წინსვლას და საქართველოში ინოვაციური მოწყობილობებით მკურნალობის პრაქტიკა დანერგოს.
